दुर्गादत्त मिश्र, दार्चुला । दार्चुलाको मार्मा गाउँपालिका वडा नम्बर–३ रील घर भएका नेपाल प्रहरीका अतिरिक्त प्रहरी निरीक्षक (एआइजी) राम दत्त जोशीलाई मार्मा गाउँपालिकामा स्वागत गरिएको छ ।
सोमवार (हिजो) गाउँपालिकामा एक कार्यक्रमको आयोजना गर्दै (एआइजी) जोशीलाई गाउँपालिका उपाध्यक्ष शर्मीला कुमारी चन्द सिंह, प्रशासकीय अधिकृत धमेन्द्र जोशी गाउँपालिकाका कर्मचारी, प्रहरी लगायत स्थानीयले दोसल्ला र अबिर मालाले स्वागत गरेका हुन् ।
दार्चुलाको मार्मामा जन्मिएर कार्यसम्पादनकै आधारमा नेपाल प्रहरीको प्रहरी निरीक्षक (एआइजी) जस्तो उच्च ओहोदामा पुगेका जोशीको सर्मपण र सेवाले समुदायलाई सुरक्षित र समृद्ध बनाउने विश्वास गरिएको मार्मा गाउँपालिकाका प्रमुख प्रशासकीय अधिकृत धमेन्द्र जोशीले बताउनुभयो ।
जोशीलाई गृह मन्त्रालयले २०८० श्रावण ७ गते प्रहरीको अतिरिक्त प्रहरी निरीक्षक (एआइजी) मा बढुवा गरेको थियो ।
पत्रकार जोशी लोकदर्पण मिडियाका लागि विभिन्न विधाका समसामयिक विषयमा कलम चलाउछन् ।